ଭୁବନେଶ୍ୱର ( ପ୍ରତିଫଳନ ମିଡ଼ିଆ )
ଦୁର୍ନୀତି ବିରୁଦ୍ଧରେ ମୋହନ ସରକାରଙ୍କ କଡା ପଦକ୍ଷେପ । ଆଉ ଜଣେ ବଡ଼ ମାଛ ଭିଜିଲାନ୍ସ ଜାଲରେ ପଡିଛି। ଏଥର ଫସିଛନ୍ତି ଜଣେ ଆଇଏଏସ। କଳାହାଣ୍ଡି ଜିଲ୍ଲାର ଧର୍ମଗଡ଼ ସବ-କଲେକ୍ଟର ଶ୍ରୀ ଧୀମାନ ଚକମା, ଆଇଏଏସ୍ (୨୦୨୧ ବ୍ୟାଚ୍) ଜଣେ ସ୍ଥାନୀୟ ବ୍ୟବସାୟୀଙ୍କଠାରୁ ୨୦,୦୦,୦୦୦/- ଟଙ୍କା ଲାଞ୍ଚ ଦାବି କରିଥିଲେ। ଏହାର ପ୍ରଥମ କିସ୍ତି ଭାବରେ ୧୦,୦୦,୦୦୦/- ଟଙ୍କା ଲାଞ୍ଚ ଦାବି କରି ଗ୍ରହଣ କରିବା ସମୟରେ ଧରାପଡ଼ିଛନ୍ତି। ଅର୍ଥ ନଦେଲେ ତାଙ୍କ ବ୍ୟବସାୟ ବିରୁଦ୍ଧରେ କାର୍ଯ୍ୟାନୁଷ୍ଠାନ ନେବାକୁ ସେ ଧମକ ଦେଉଥିଲେ ।
ଅଭିଯୁକ୍ତ ସବ କଲେକ୍ଟର ଅଭିଯୋଗକାରୀଙ୍କୁ ଧର୍ମଗଡ଼ସ୍ଥିତ ତାଙ୍କର ସରକାରୀ ସରକାରୀ ବାସଭବନକୁ ଡାକି ଲାଞ୍ଚ ରାଶି ଗ୍ରହଣ କରିଥିଲେ। ତାଙ୍କ ଦୁଇ ହାତରେ ବିଭିନ୍ନ ମୂଲ୍ୟର ୨୬ ଟି ୧୦୦ ଟଙ୍କିଆ ନୋଟ୍ ବଣ୍ଡଲ୍ ଯାଞ୍ଚ କରିଥିଲେ ଏବଂ ତାଙ୍କ ବାସଭବନ ଅଫିସ ଟେବୁଲ ଡ୍ରୟର ଭିତରେ ଟଙ୍କା ରଖିଥିଲେ। ହାତ ଧୋଇବା ଏବଂ ଟେବୁଲ ଡ୍ରୟର ଧୋଇବା ଉଭୟ ସକାରାତ୍ମକ ରାସାୟନିକ ପ୍ରତିକ୍ରିୟା ଦେଇଥିଲା ବୋଲି ଭିଜିଲାନ୍ସ କହିଛି। ଏହା ପରେ ତାଙ୍କ ସରକାରୀ ବାସଭବନରେ ତଲାସି ସମୟରେ ଆହୁରି ୪୭ ଲକ୍ଷ ଟଙ୍କା ନଗଦ ଜବତ କରାଯାଇଛି। ତଲାସି ଜାରି ରହିଛି। ଏହି ସମ୍ପର୍କରେ, ଭିଜିଲାନ୍ସ ସେଲ୍ ପିଏସ୍ କେସ୍ ନମ୍ବର 6/2025 ରେ 7 ପି.ସି. ଆଇନ, 1988 ଅନୁଯାୟୀ ପି.ସି. (ସଂଶୋଧନ) ଆଇନ, 2018 ଦ୍ୱାରା ସଂଶୋଧିତ ପଞ୍ଜିକୃତ କରାଯାଇଛି। ତଦନ୍ତ ଜାରି ରହିଛି। ପରବର୍ତ୍ତୀ ସମୟରେ ସବିଶେଷ ଜଣାପଡିବ। ସେ ଯେତେବଡ ଅଧିକାରୀ ହୁଅନ୍ତୁ ପଛେ ଦୁର୍ନିତୀ ର ଗନ୍ଧ ବାରିହେଲେ ଧରା ପଡ଼ିବା ସୁନିଶ୍ଚିତ ଏକଥା ପ୍ରମାଣିତ କରିଛନ୍ତି ମୋହନ ମାଝୀଙ୍କ ସରକାର ।