ସମ୍ବଲପୁର (ପ୍ରତିଫଳନ ମିଡ଼ିଆ)
ବ୍ରୋଏଲର କୁକୁଡ଼ା ଫାର୍ମ ସବସିଡି ପ୍ରଦାନ କରିବା ପାଇଁ ୫,୦୦୦ ଟଙ୍କା ଲାଞ୍ଚ ନେଉ ଥୁଲେ ,ଧରିଲା ଭିଜିଲାନସ୍।ସମ୍ବଲପୁର ଜିଲ୍ଲା ରେଢାଖୋଲ ଉପଖଣ୍ଡ ପଶୁ ଚିକିତ୍ସା ଅଧିକାରୀ – ପଶୁ ଡାକ୍ତର ସୁଭା ପ୍ରକାଶ ସୋରେନ,ଓ ଡାଟା ଏଣ୍ଟ୍ରି ଅପରେଟର ମହେଶ୍ୱର ସାହୁ ଜଣେ ଲାଭାର୍ଥୀଙ୍କ ଠାରୁ ୫ହଜାର ଟଙ୍କା ଲାଞ୍ଚ ନେଉଥୂବା ବେଳେ ଭିଜିଲାନ୍ସ ଦ୍ୱାରା ଧରାପଡ଼ି ଗିରଫ ହୋଇଛନ୍ତି ।୨ଟି ସ୍ଥାନରେ ଚଢାଉ କରି ତଦନ୍ତ ଚଳାଇଛି ଭିଜିଲାନସ୍ ।
ଓଡ଼ିଶା ଭିଜିଲାନ୍ସର ଟୋଲ୍-ଫ୍ରି ନମ୍ବର-୧୦୬୪ ରେ ଅଭିଯୋଗ ପାଇବା ଆଧାରରେ ଭିଜିଲାନସ୍ ପଦକ୍ଷେପ ଗ୍ରହଣ କରିଛି । ବ୍ରଏଲର କୁକୁଡ଼ା ଫାର୍ମ ସ୍ଥାପନ ପାଇଁ ୨ୟ ପର୍ଯ୍ୟାୟ ସବସିଡି ରାଶି ୫୪,୦୦୦ ଟଙ୍କା ପ୍ରଦାନ କରିବା ପାଇଁ ଅଭିଯୋଗକାରୀ ହିତାଧିକାରୀ ଙ୍କଠାରୁ ୫,୦୦୦ ଟଙ୍କା ଲାଞ୍ଚ ଦାବି କରୁଥିଲେ। ଓଡ଼ିଶା ସରକାରଙ୍କ ଗୋ-ସୁଗମ ଯୋଜନାରେ ହିତାଧିକାରୀ ହୋଇଥିବାରୁ କମଲ୍ ଏପ୍ରିଲ୍, ୨୦୨୫ ରେ ବ୍ରଏଲର ଫାର୍ମ ନିର୍ମାଣ କରିଥିଲେ ଏବଂ ମୋଟ ସବସିଡି ଟଙ୍କା ୯୦,୦୦୦ ପାଇବାକୁ ଯୋଗ୍ୟ ଥିଲେ। ଏପ୍ରିଲ ୨୦୨୫ ମସିହାରୁ, କମ୍ପାନୀ ଡକ୍ଟର ସୋରେନଙ୍କୁ ଦ୍ୱିତୀୟ ପର୍ଯ୍ୟାୟ ସବସିଡି ରାଶି ୫୪,୦୦୦ ଟଙ୍କା ପ୍ରଦାନ କରିବାକୁ ଅନୁରୋଧ କରିଆସୁଥିଲେ। ଡକ୍ଟର ସୋରେନ ଉକ୍ତ ରାଶି ପ୍ରଦାନ କରିବା ପାଇଁ କମ୍ପାନୀକୁ ୫୦୦୦ ଟଙ୍କା ଲାଞ୍ଚ ଦାବି କରିଥିଲେ। ବିଲ ଅନୁମୋଦନ କରିବାକୁ ଦିନ ଗଡ଼ାଇ ଚାଲିଥିଲେ କଥା ଶୁଣୁ ନଥିଲେ । କୌଣସି ଉପାୟ ନ ପାଇ, କମ୍ପାନୀ ପକ୍ଷରୁ ଟୋଲଫ୍ରି ନମ୍ବର-୧୦୬୪ ରେ ଭିଜିଲାନ୍ସ କର୍ତ୍ତୃପକ୍ଷଙ୍କ ଠାରେ ଅଭିଯୋଗ କରିଥିଲେ। ଭିଜିଲାନସ୍ ର ନିର୍ଦ୍ଦେଶ ମୁତାବକ ହିତାଧିକାରୀଙ୍କ ଠାରୁ ୫ହଜାର ଟଙ୍କା ଲାଞ୍ଚ ନେଉଥିବା ବେଳେ ଡାକ୍ତର ସୋରେନ ଏବଂ ଡାଟାଏଣ୍ଟ୍ରି ଅପରେଟର ସାହୁକୁ ଧରିବାରେ ସଫଳ ହୋଇଛି ।
ସମଗ୍ର ଲାଞ୍ଚ ଟଙ୍କା ସେମାନଙ୍କ ଠାରୁ ଜବତ କରାଯାଇଛି ବୋଲି ଭିଜିଲାନସ୍ କହିଛି। ଲାଞ୍ଚ ଟଙ୍କା ଜବତ କରିବା ପରେ ୨ଜଣକୁ ଗିରଫ କରିଛି । ଡାକ୍ଟର ସୋରେନ ସହ ଜଡିତ ଦୁଇଟି ସ୍ଥାନରେ ଏକକାଳୀନ ଚଢାଉ କରି ତଲାସି ଚଳାଇଛି ସମ୍ବଲପୁର ଭିଜିଲାନ୍ସ ଟିମ୍। ଲାଂଚୁଆ ପଶୁ ଡାକ୍ତର ଓ ଡାଟାଏଣ୍ଟ୍ରି ଅପରେଟର ବିରୁଦ୍ଧରେ ତଦନ୍ତ ଜାରି ରଖିଛି