କୋରାପୁଟ (ପ୍ରତିଫଳନ ମିଡ଼ିଆ )
ପୂର୍ବତଟ ରେଳପଥର ମହାପ୍ରବନ୍ଧକ ପରମେଶ୍ୱର ଫଙ୍କୱାଲ, କୋରାପୁଟ – ରାୟଗଡ଼ା କିରଣ୍ଡୁଲ ରେଳ ପଥ ଦୋହରୀକରଣ କାର୍ଯ୍ୟର କରିଛନ୍ତି ଅନୁଧ୍ୟାନ । ସମୟ ଅବଧି ମଧ୍ୟରେ ପ୍ରକଳ୍ପ କାର୍ଯ୍ୟ ଗୁଡିକ କିଭଳି ସମ୍ପୂର୍ଣ୍ଣ ହୋଇ ପାରିବ ସେଥିନେଇ ଗୁରୁତ୍ବ ଦେବାକୁ ବିଭାଗୀୟ ଅଧିକାରୀ ମାନଂକୁ ନିର୍ଦ୍ଦେଶ ଦେଇଛନ୍ତି ।
ଦାମନଯୋଡି-କିରଣ୍ଡୁଲ ସେକ୍ସନର ବ୍ୟାପକ ଯାଞ୍ଚ କରିଥିଲେ। ଭିତ୍ତିଭୂମି ବିକାଶ, ଦୋହରୀକରଣ କାର୍ଯ୍ୟ ଏବଂ କାର୍ଯ୍ୟକ୍ଷମ ଦକ୍ଷତା ଉପରେ ଧ୍ୟାନ ଦେଇଥିଲେ। ଚାଲୁରହିଥିବା ଭିତ୍ତିଭୂମି ପ୍ରକଳ୍ପ, ଟ୍ରାଫିକ୍ ସୁବିଧା କାର୍ଯ୍ୟ ଏବଂ ସେକ୍ସନ ସାରା କାର୍ଯ୍ୟକ୍ଷମ ଉନ୍ନତି ଭଳି ପ୍ରମୁଖ କ୍ଷେତ୍ରଗୁଡ଼ିକୁ ଅନ୍ତର୍ଭୁକ୍ତ କରାଯାଇଥିଲା।ଏହା ସହ ଦାମନଜୋଡି, ଜଗଦଲପୁର ଏବଂ କିରଣ୍ଡୁଲ ଷ୍ଟେସନ ସହିତ କିରଣ୍ଡୁଲ ଏବଂ ଜଗଦଲପୁରରେ ରେଳ କଲୋନୀ ପରିଦର୍ଶନ କରିଥିଲେ। ଯାତ୍ରୀ ସୁବିଧାକୁ ଉନ୍ନତ କରିବା ପାଇଁ ମୂଲ୍ୟବାନ ମତାମତ ସଂଗ୍ରହ କରିଥିଲେ । କର୍ମଚାରୀଙ୍କ ସମସ୍ୟା ସଂପର୍କରେ ମଧ୍ୟ ପଚାରି ବୁଝିଥିଲେ ।ନିରୀକ୍ଷଣ ସମୟରେ, ମହାପ୍ରବନ୍ଧକ ଟ୍ରାଫିକ୍ ସୁରକ୍ଷା ଏବଂ ଯାତ୍ରୀ ସୁବିଧା ବୃଦ୍ଧି କରିବା ପାଇଁ ଲକ୍ଷ୍ୟ ରଖି ଅନେକ ନିର୍ମାଣ କାର୍ଯ୍ୟକଳାପ ସମୀକ୍ଷା କରିଥିଲେ।
ରାୟଗଡ଼ା ଡିଭିଜନାଲ ରେଳ ପ୍ରବନ୍ଧକ ଅମିତାଭ ସିଂଘଲ, ବିଶାଖାପାଟଣା ଏଡିଆରଏମ, ଇ. ସନ୍ଥରାମ, ଚିଫ୍ ଇଞ୍ଜିନିୟର ବି.ଏସ. ରାଜକୁମାର, ମୁଖ୍ୟ ଟ୍ରାକ୍ ଇଞ୍ଜିନିୟର କେ. ଦାନୁଞ୍ଜୟ ରାଓ ଏବଂ ଅନ୍ୟାନ୍ୟ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ।