ଭିଜିଲାନ୍ସ ସ୍କାନରରେ ଅଛନ୍ତି ଆହୁରି ଅନେକ, ଦୁର୍ନୀତିଗ୍ରସ୍ତ କର୍ମଚାରୀ ଛାନିଆ
ପ୍ରତିଫଳନ ମିଡ଼ିଆ
ଦେଢ଼ ଲକ୍ଷ ଟଂକା ଧରି ଗାଡ଼ିରେ ଯାଉଥିଲେ ।ଧରିଲା ଭିଜିଲାନ୍ସ । ଜାଲରେ ପଡ଼ିଲେ ରାୟଗଡ଼ା ଜନସ୍ବାସ୍ଥ୍ୟ ବିଭାଗ ଅଧିକ୍ଷଣ ଯନ୍ତ୍ରୀ ସହଦେବ କିଶନ। ଦୁଇଟି ସ୍ଥାନରେ ଚାଲିଛି ଭିଜିଲାନ୍ସ ଚଢ଼ାଉ । ଦୁଇଟି ଟିମ୍ କରୁଛନ୍ତି ଚଢ଼ାଉ । ଭିଜିଲାନ୍ସର ସ୍କାନରରେ ଥିଲେ କିଶାନ । ବ୍ୟାପକ ଦୁର୍ନୀତି କରୁଥିବା ନେଇ ଭିଜିଲାନ୍ସ ନିକଟରେ ଥିଲା ଅଭିଯୋଗ।
ରାୟଗଡାସ୍ଥିତ ଶିରିଗୁଡ଼ା ସ୍ଥିତ ବିଭାଗୀୟ କାର୍ଯ୍ୟାଳୟ ସମେତ ଆବାସିକ ଭବନ ରେ ଭିଜିଲାନ୍ସ ଟିମ ଯାଞ୍ଚ କରୁଛି । ଯାଞ୍ଚ ପରେ ଆୟ ବର୍ହିଭୁତ ସଂପତ୍ତିର ତାଲିକା ଜଣାପଡ଼ିବ ବୋଲି ଭିଜିଲାନ୍ସ ପକ୍ଷରୁ କୁହାଯାଇଛି ।
ହସ୍ତଗତ ତଥ୍ୟ ଅନୁଯାୟୀ ଜଣେ ଠିକାଦାରଙ୍କଠାରୁ ବିପୁଳ ଅବୈଧ ନଗଦ ସଂଗ୍ରହ ସମ୍ପର୍କରେ ବିଶ୍ୱସ୍ତ ସୂଚନା ଆଧାରରେ ଶ୍ରୀ ସହଦେବ କିଷାନ, ଅଧୀକ୍ଷଣ ଯନ୍ତ୍ରୀ ପି.ଏଚ୍, ରାୟଗଡ଼ାଙ୍କୁ ରାୟଗଡ଼ାଠାରେ ଓଡ଼ିଶା ଭିଜିଲାନ୍ସର ଏକ ଦଳ ଦ୍ୱାରା ଅଟକାଯାଇଥିଲା । ସେ ତାଙ୍କ କାର୍ଯ୍ୟାଳୟରୁ ସରକାରୀ କ୍ୱାର୍ଟରକୁ ବେନାମୀ ନଗଦ ସହିତ ତାଙ୍କ କାର୍ଯ୍ୟାଳୟର ରେଜିଷ୍ଟ୍ରେସନ୍ ନଂ OD-18N-7957 ଯୋଗେ ଯାଉଥିବା ସ୍କୋର୍ପିଓ ଗାଡ଼ିରେ ଅଟକାଯାଇଥିଲା। ଅଟକାଯିବା ସମୟରେ ଶ୍ରୀ କିଷାନଙ୍କ ନିକଟରୁ ଅନୈତିକ ଭାବରେ ଅର୍ଜନ ହୋଇଥିବା ସନ୍ଦିଗ୍ଧ ଟଙ୍କା ୧,୫୦,୦୦୦/-ମିଳିଥିଲା। ସେ ସନ୍ତୋଷଜନକ ଭାବରେ ତାର ହିସାବ ଦେଇପାରି ନ ଥିବାରୁ ତାଙ୍କ ନିକଟରୁ ନଗଦ ଜବତ କରାଯାଇଥିଲା। ଅଧିକ ଯାଞ୍ଚ ପାଇଁ ରାୟଗଡ଼ାର ଶ୍ରୀ କିଷାନ, ଏସ୍.ଇ. ସହିତ ଜଡିତ ୨ଟି ସ୍ଥାନରେ ତଲାସ କରାଯାଉଛି। ଅର୍ଥ ର ଉତ୍ସ ଜାଣିବା ପାଇଁ ତାଙ୍କୁ ଅଧିକ ଯାଞ୍ଚ କରାଯାଉଛି ବୋଲି ଭିଜିଲାନ୍ସ କହିଛି ।
ଭିଜିଲାନ୍ସର ଫୋକସରେ ରାୟଗଡ଼ା ଜିଲ୍ଲା !
ଜଣକ ପରେ ଜଣେ ବଡ଼ ମୁଣ୍ଡ ଭିଜିଲାନ୍ସର ଜାଲରେ ଫସିଛନ୍ତି । ବିପୁଳ ବେନାମୀ ସମ୍ପତ୍ତି ଠାବ ହେଉଛି ।ନିକଟରେ ଜଳଛାୟା ମିଶନରେ ଭିଜିଲାନ୍ସ ଚଢାଉ କରିଥିଲା । ସେହିପରି ବିପୁଳ ସମ୍ପତି ଠୁଳ କରିଥିବା ଅଭିଯୋଗରେ ନୂଆପଡ଼ାରେ ଜଣେ କନିଷ୍ଠ ଯନ୍ତ୍ରିକୁ ଧରିଥିଲା ଭିଜିଲାନସ୍ । ସେ ପୂର୍ବରୁ ରାୟଗଡା ଜିଲ୍ଲାରେ କାମ କରୁଥିବା ଜଣାଯାଏ। ଚଢାଉ ବେଳେ ତାଙ୍କ ରାୟଗଡା ବାସଭବନରେ ମଧ୍ୟ ଭିଜିଲାନ୍ସ ଚଢାଉ କରିଥିଲା । ପୁଣି ଆଜି ଜନସ୍ବାସ୍ଥ୍ୟ ବିଭାଗରେ ଭିଜିଲାନ୍ସ ଚଢ଼ାଉ କରିଛି । ଆଗକୁ ଅନେକ ଏହି ସ୍କାନରରେ ଥିବା ଭିଜିଲାନ୍ସ ର ଗତିବିଧିରୁ ଜଣା ପଡୁଛି । ଏସବୁ ଦେଖିଲେ ଲାଗୁଛି ରାୟଗଡା ଜିଲ୍ଲା ଦୁର୍ନୀତିର ପେଣ୍ଠସ୍ଥଳ ପାଲଟିଛି । ଦୁର୍ନୀତି ଗ୍ରସ୍ତ ଅଧିକାରୀ ଓ କର୍ମଚାରୀ ମାନେ ଲଗାମ ଛଡ଼ା ହୋଇ ଯାଇଛନ୍ତି । ଭିଜିଲାନସ୍ ଫୋକାସରେ ଏବେ ରାୟଗଡ଼ା ଜିଲ୍ଲା ରହିଛି । ଆଗକୁ କେଉଁ ଦୁର୍ନୀତିଗ୍ରସ୍ତ ଅଧିକାରୀ ଧାରା ପଡ଼ୁଛନ୍ତି ତାକୁ ନେଇ ଜିଲ୍ଲା ବ୍ୟାପି ଚର୍ଚା ଚାଲିଛି ।